علیزے شاہ نے سوشل میڈیا کو پھر خیرباد کہہ دیا، اس بار وجہ کیا بنی؟
https://jang.com.pk/assets/uploads/updates/2025-10-26/1523008_1192632_jbbh_updates.jpg— فائل فوٹو
پاکستانی شوبز انڈسٹری کی معروف اداکارہ علیزے شاہ کا کہنا ہے کہ میں نے اپنی تمام تصاویر انسٹاگرام سے ڈیلیٹ کردی ہیں۔
علیزے شاہ نے بطور چائلڈ آرٹسٹ اپنے کیریئر کا آغاز کیا اور آج ان کا شمار پاکستان کی نامور اور خوبرو اداکاراؤں میں کیا جاتا ہے، جنہوں نے بہت کم وقت اور کم عمری میں شوبز انڈسٹری میں غیر معمولی شہرت حاصل کی۔
بے پناہ شہرت و کامیابی کے باوجود اداکارہ ذہنی تناؤ کا شکار رہی ہیں جس کا ذکر انہوں نے وقتاً فوقتاً اپنی مختلف سوشل میڈیا پوسٹ میں کھل کر کیا ہے۔
اب حال ہی میں انہوں نے ایک بار پھر اپنے انسٹاگرام اکاؤنٹ سے تمام پوسٹس ڈیلیٹ کر کے ایک ویڈیو پیغام جاری کیا ہے۔
فوٹوز اینڈ ویڈیوز شیئرنگ پلیٹ فارم انسٹاگرام پر اداکارہ نے مختصر ویڈیو اپنی اسٹوری میں شیئر کی اور اپنے فیصلے پر اطمینان کا اظہار کیا۔ https://jang.com.pk/assets/uploads/updates/2025-04-28/1465521_115008_updates.jpg
کیا علیزے شاہ نے انسٹا گرام کو خیر باد کہہ دیا؟
کیا علیزے شاہ نے انسٹا گرام کو خیر باد کہہ دیا ہے؟ یا توجہ حاصل کرنے کی کوشش کررہی ہیں؟ ان کی مبہم انسٹا پوسٹ سامنے آنے کے بعد مداحوں میں ہلچل مچ گئی۔ https://jang.com.pk/assets/front/images/jang-icons/16x16.png
انہوں نے کہا کہ میں نے انسٹاگرام سے تمام تصاویر ڈیلیٹ کر دی ہیں جس پر میں بہت خوش ہوں، اس سے قبل میں شرمندہ تھی کیونکہ مجھے نہیں معلوم کہ میں اب تک اپنی زندگی کے ساتھ کیا کررہی تھی۔
انہوں نے کہا کہ مجھے نہیں معلوم کہ میں سوشل میڈیا پر کب واپس آؤں گی، لیکن وہ تصاویر واپس نہیں آئیں گی اور نہ ہی وہ علیزے واپس آئے گی۔
انہوں نے ویڈیو پیغام کے اختتام پر مختصر وقت کے لیے سوشل میڈیا کو خیرباد کہہ دیا۔ https://jang.com.pk/assets/uploads/updates/2024-09-21/1392911_031732_updates.jpg
علیزے شاہ نے تمام انسٹاگرام پوسٹ ہٹا دیں
پاکستانی ڈرامہ انڈسٹری کی معروف اداکارہ و ماڈل علیزے شاہ نے سوشل میڈیا سے تمام پوسٹس ہٹا دیں۔ https://jang.com.pk/assets/front/images/jang-icons/16x16.png
مختلف سوشل میڈیا پیجز پر اداکارہ کا ویڈیو پیغام وائرل ہوا تو صارفین کمنٹس میں تبصرہ کرتے ہوئے علیزے کی ذہنی صحت کے حوالے سے فکر مند دکھائی دیئے اور ان کے لیے نیک خواہشات کا اظہار بھی کیا۔
واضح رہے کہ یہ پہلا موقع نہیں ہے جب اداکارہ نے اپنے انسٹا اکاؤنٹ سے تمام پوسٹس ڈیلیٹ کی ہوں۔ اس سے قبل گزشتہ برس ستمبر اور رواں سال اپریل میں بھی علیزے شاہ اپنے انسٹاگرام کی تمام تصاویر و پوسٹس ڈیلیٹ کر چکی ہیں۔
页:
[1]