چاہت فتح علی خان نے انڈے پھینکنے کے واقعے پر خاموشی توڑ دی
https://jang.com.pk/assets/uploads/updates/2025-10-27/1523245_8161360_2_updates.jpgفائل فوٹو
معروف انٹرنیٹ سنسیشن اور گلوکار چاہت فتح علی خان نے بیرونِ ملک اپنے ساتھ پیش آنے والے ایک ناخوشگوار واقعے پر بات کی ہے۔
چاہت فتح علی خان اپنے وائرل گانے ’بدو بدی‘ اور مزاحیہ انداز کی وجہ سے دنیا بھر میں پہچانے جاتے ہیں، اِنہیں گزشتہ ماہ ایک ریستوران کی افتتاحی تقریب میں شرکت کے دوران نامعلوم افراد کی جانب سے انڈوں سے نشانہ بنایا گیا تھا۔
چاہت فتح علی خان تقریب میں شرکت کے بعد ریستوران سے باہر نکل رہے تھے تو سیکیورٹی گارڈز نے اِن سے تصاویر لینے کی خواہش ظاہر کی۔
اسی دوران چند افراد نے اچانک اِن پر انڈے پھینک دیے، یہ واقعہ گلوکار کے لیے دردناک اور توہین آمیز تھا اور وہ اس وقت حیران اور افسردہ رہ گئے۔ https://jang.com.pk/assets/uploads/updates/2025-09-12/1509350_101201_updates.jpg
چاہت فتح علی خان کو برطانیہ میں نامعلوم افراد انڈے مار کر فرار ہوگئے
سوشل میڈیا صارفین نے چاہت فتح علی خان پر حملہ کرنے والے ملزمان کو گرفتار کرکے سزا دینے کا مطالبہ بھی کیا۔ https://jang.com.pk/assets/front/images/jang-icons/16x16.png
حالیہ دنوں میں ایک شو میں شرکت کے دوران چاہت فتح علی خان نے انکشاف کیا ہے کہ ریستوران انتظامیہ نے واقعے کے بعد کوئی تعاون نہیں کیا اور سی سی ٹی وی فوٹیج فراہم کرنے سے بھی انکار کر دیا، بعد ازاں معلوم ہوا کہ ریستوران کے مالک کا تعلق بھارت سے ہے جس کے بعد میں نے خدشہ ظاہر کیا کہ ممکنہ طور پر مجھے نشانہ بنایا گیا ہے۔
چاہت فتح علی خان نے مزید کہا کہ میں اس واقعے پر قانونی کارروائی کر رہا ہوں تاکہ ملزمان کو سزا مل سکے۔
页:
[1]