ملائیشیا کے وزیرِخارجہ نے بتایا کہ امریکی صدر ڈونلڈ ٹرمپ 26 اکتوبر سے ملائیشیا کا دورہ کریں گے۔
غیرملکی میڈیا کے مطابق ملائیشیا کے وزیرخارجہ حاجی محمد بن حاجی حسن نے بتایا کہ آسیان اجلاس 26 سے 28 اکتوبر کو ملائیشیا کے دارالحکومت کوالالمپور میں ہوگا۔
حاجی محمد بن حاجی حسن نے کہا کہ آسیان اجلاس کے دوران کمبوڈیا اور تھائی لینڈ کے درمیان جنگ بندی معاہدے پر دستخط کیے جائیں گے۔
کمبوڈیا کا بھی ٹرمپ کو نوبل امن انعام کیلئے نامزد کرنے کا اعلان
کمبوڈیا کے نائب وزیر اعظم نے بھی امریکی صدر ڈونلڈ ٹرمپ کو نوبل امن انعام کے لیے نامزد کرنے کا اعلان کر دیا۔
انہوں نے بتایا کہ ٹرمپ تھائی لینڈ اور کمبوڈیا کےدرمیان جنگ بندی معاہدے پر دستخط کی تقریب میں شرکت کریں گے۔
ملائیشیا کے وزیرِخارجہ نے کہا کہ جنگ بندی معاہدے کے تحت دونوں ممالک اپنی سرحدوں سے تمام بارودی سرنگیں اور بھاری ہتھیار ہٹائیں گے۔
محمد حسن نے مزید کہا کہ ملائیشیا اور امریکا دونوں ممالک کے درمیان جنگ بندی میں مدد فراہم کریں گے۔
发表于 2025-10-28 15:53:58
—تصویر بشکریہ غیر ملکی میڈیا 
