پنجاب کے انتظامی و پولیس افسران کی اہلسنت و الجماعت کے اکابرین سے لاہور میں ملاقات ہوئی، جس میں صوبے میں مدارس و مساجد کی تنظیم اور دیکھ بھال کے بارے میں تفصیلی مشاورت کی گئی۔
ترجمان محکمۂ داخلہ پنجاب کا کہنا ہے کہ ملاقات میں علامہ مظفر شاہ، مفتی عابد مبارک، مفتی رفیع الرحمٰن، محمد عبدالمصطفیٰ، علامہ اشرف گورمانی شریک تھے۔
پنجاب: دفعہ 144 میں 7 دن کی توسیع
محکمۂ داخلہ پنجاب نے صوبے میں دفعہ 144 میں 7 دن کی توسیع کر دی۔
ترجمان کے مطابق پنجاب میں مدارس و مساجد کی تنظیم اور دیکھ بھال کے بارے میں تفصیلی مشاورت ہوئی۔
محکمۂ داخلہ پنجاب کے ترجمان نے کہا ہے کہ علمائے کرام کو بتایا گیا کہ حکومتِ پنجاب صوبے میں کسی بھی مسجد کو بند کرنے کا ارادہ نہیں رکھتی۔
ترجمان محکمۂ داخلہ پنجاب کا کہنا ہے کہ علماء کے وفد نے پنجاب میں تمام مکاتبِ فکر کو مذہبی آزادی حاصل ہونے کا اعتراف کیا اور مسائل کے حل کے حوالے سے پنجاب حکومت کا طرزِ عمل حوصلہ افزا قرار دیا۔
محکمۂ داخلہ پنجاب کے ترجمان کے مطابق علماء نے ظلم اور فتنے کی بیخ کنی کے لیے باہمی سطح پر مؤثر اقدام کی ضرورت پر زور دیا۔
انتظامیہ اور علماء کے وفد نے باہمی رابطے میں تسلسل برقرار رکھنے پر اتفاق بھی کیا۔
发表于 2025-10-28 15:59:35
