امریکی شہر نیویارک کے میئر کے انتخاب سے قبل ہونے والے آخر ٹی وی مباحثے میں ڈیموکریٹک امیدوار ظہران ممدانی اپنی برتری برقرار رکھنے میں کامیاب ہوگئے۔
غیرملکی میڈیا کے مطابق امریکی شہر نیویارک کی میئرشپ کے لیے اگلے ماہ کی 4 تاریخ کو ہونے والے انتخابات سے قبل ٹیلی ویژن پر گرما گرم مباحثہ ہوا۔
اس انتخاب میں سب سے نمایاں ڈیموکریٹ امیدوار ظہران ممدانی نظر آرہے ہیں، ان کے علاوہ نیو یارک کے سابق گورنر اینڈریو کوومو اور ریپبلیکن کرٹس سلیوا آئندہ ماہ انتخاب میں حصہ لیں گے۔
ظہران ممدانی نیویارک کے میئر کیلئے ڈیموکریٹک پارٹی کے امیدوار منتخب
کراچی نیویارک شہر کے میئر کے انتخاب کے لیے...
تینوں امیدواروں کے درمیان کے انتخاب سے قبل یہ دوسرا اور آخری مباحثہ تھا جو لانگ آئی لینڈ سٹی میں منعقد ہوا۔
امیدواروں نے ایک دوسرے کی دفاعی لائنز پر کھل کے حملے کیے، تاہم ان لفظی حملوں میں لی گئی پوزیشن کے حوالے تجزیہ کار پہلے سے قیاس آرائیاں کرچکے تھے مثال کے طور پر امریکی صدر ڈونلڈ ٹرمپ اور غزہ کی جنگ کے موضوعات اس مباحثے میں کافی واضح نظر آئے۔
ظہران ممدانی اپنی متاثر کن برتری برقرار رکھنے میں کامیاب نظر آئے، انہوں مفت بس سروس، کرایاجات کو منجمد کرنے، چائلڈ کیئر کے حوالے سے بات کی۔
ظہران ممدانی میئر بنے تو نیویارک کو فنڈز نہیں دیں گے، ٹرمپ کی دھمکی
امریکی ٹی وی کو انٹرویو دیتے ہوئے صدر ٹرمپ نے کہا کہ ظہران ممدانی ایک خالص کمیونسٹ ہے، یہ نیویارک کے لیے بہت برا ہوگا۔
مباحثے کے دوران ممدانی کے مدِمقابل سابق نیو یارک گورنر انڈریو کوومو نے ممدانی کے پروگرامز کو غیرحقیقت پسندانہ قرار دیتے ہوئے ان کو حکومتی امور میں ناتجربہ کار قرار دیا۔
یہ بتاتے چلیں نیویارک کے موجودہ میئر ایرک ایڈمز الیکشن کی اس دوڑ سے پہلے ہی خود کو الگ کرچکے ہیں۔
发表于 2025-10-28 16:05:47
—تصویر بشکریہ غیر ملکی میڈیا 
