دہلی پولیس نے ایک مسلح جھڑپ کے دوران گولڈی برار گینگ کے دو شوٹرز کو گرفتار کر لیا، اِن شوٹرز کو معروف بھارتی اسٹینڈ اپ کامیڈین منور فاروقی کو قتل کرنے کے لیے بھیجا گیا تھا۔
بھارتی میڈیا کے مطابق ریئیلٹی شو بگ باس کے فاتح منور فاروقی کے قتل کے لیے دہلی بھیجے گئے ملزمان کی شناخت راہول اور ساہل کے ناموں سے ہوئی ہے، دونوں کو غیر ملکی گینگسٹر روہت گودارا نے منور فاروقی کو قتل کرنے کی ہدایت کی تھی۔
بھارتی میڈیا کے مطابق گینگسٹر گودارا گولڈی برار اور ویرندر چران مل کر اس منصوبے پر کام کر رہے تھے۔
کنزا ہاشمی کو بھارت کا ویزا بھی نہیں ملے گا: منور فاروقی کی ویڈیو وائرل
پاکستانی خوبرو اداکارہ کنزا ہاشمی نے بھارتی معروف فنکار منور فاروقی کے ساتھ کام کرنے کی تصدیق کر دی ہے۔
بھارتی میڈیا کا کہنا ہے کہ ملزمان نے ممبئی اور بنگلورو میں منور فاروقی کی نقل و حرکت کا پتہ لگانے کے لیے ریکی بھی کی تھی۔
پولیس کے مطابق آج صبح ہونے والی جھڑپ کے دوران ملزم راہول کو گولی لگی تھی جسے اسپتال منتقل کر دیا گیا، اس کے خلاف ہریانہ میں دسمبر 2024ء میں ہونے والے تہرے قتل کے مقدمے کی بھی تفتیش جاری ہے۔
دہلی پولیس کے حکام کا کہنا ہے کہ اس معاملے میں مزید چھاپہ مار کارروائیاں جاری ہیں تاکہ کسی بھی جانی نقصان سے قبل اس گینگ کے دوسرے ارکان کو بھی پکڑا جا سکے۔
کنزا ہاشمی اور منور فاروقی کا گانا جیکولین فرنینڈس کو بھا گیا
پاکستانی خوبرو اداکارہ کنزا ہاشمی کا بھارتی کامیڈین و ریپر کے ساتھ فلمایا گیا گانا ’ہوا بن کے‘ جیکولین فرنینڈس کو بھی بھا گیا۔
یاد رہے کہ معروف بھارتی کامیڈین منور فاروقی انسٹاگرام پر 1 کروڑ 42 لاکھ سے زائد فالوورز رکھتے ہیں اور بگ باس جیتنے کے بعد ان کی شہرت میں واضح اضافہ ہوا ہے۔
发表于 2025-10-28 15:40:34
