نوبیل انعام 2025 کے اعلانات کا آج سے آغاز شعبہ طب سے ہونے والا ہے، تاہم سب کی نگاہیں امن ایوارڈ پر ٹکی ہوئی ہیں۔
غیر ملکی میڈیا رپورٹس کے مطابق نوبیل انعام 2025 کے اعلانات کا آغاز آج سے پاکستانی وقت کے مطابق دوپہر 2 بج کر 30 منٹ پر سویڈن کے دارالحکومت اسٹاک ہوم میں کیا جائے گا۔
میڈیا رپورٹس کے مطابق نوبیل کمیٹی کے مطابق یہ انعام ہر سال اُن سائنسدانوں اور محققین کو دیا جاتا ہے جنہوں نے طب یا حیاتیاتی علوم کے میدان میں نمایاں خدمات انجام دی ہوں۔ طبیعیات （فزکس） کا انعام 7 اکتوبر، کیمیا （کیمسٹری） کا اعلان 8، ادب （لٹریچر） 9 اکتوبر، نوبیل امن انعام 10 اکتوبر جبکہ معاشی علوم （اکنامک سائنس） کے نوبیل انعام کا اعلان 13 اکتوبر کو کیا جائے گا۔
نوبیل امن انعام کیلئے 300 نامزدگیاں، ٹرمپ کی شمولیت کا امکان
اس سال کے نوبیل امن انعام کے لیے 300 سے زائد افراد کو نامزد کیا گیا ہے۔
رواں سال نوبیل امن انعام کے لیے 7 جنگیں رکوانے کا دعویٰ کرنے والے امریکی صدر ڈونلڈ ٹرمپ بھی امیدوار ہیں، جبکہ ان کا مقابلہ غزہ امداد لے جانے والی معروف سویڈش ماحولیاتی و انسانی حقوق کی کارکن گریٹا تھنبرگ سے ہے۔
تجزیہ کاروں کے مطابق گریٹا کی موجودگی میں ممکنہ طور پر ٹرمپ کے نوبیل انعام جیتنے کے خواب کی تعبیر مشکل ہے۔
واضح رہے کہ امریکی صدر ڈونلڈ ٹرمپ نے متعدد مواقع پر خود کو نوبیل امن انعام کا حق دار قرار دیا ہے کیونکہ ان کا ماننا ہے کہ انہوں نے 7 جنگیں رکوائی ہیں، جس پر انہیں پاکستان اور اسرائیل سمیت متعدد ممالک نے نوبیل انعام کے لیے نامزد بھی کیا ہے۔
اسرائیلی حراست میں گریٹا تھنبرگ پر بھی تشدد کیا گیا اور اسرائیلی جھنڈا چومنے پر مجبور کیا گیا: ترک صحافی
اسرائیلی حراست سے رہائی پانے والے ترک صحافی کا کہنا ہے کہ گلوبل صمود فلوٹیلا کے امدادی کارکنوں کو اسرائیلی حراست میں تشدد کا نشانہ بنا کر اسرائیلی جھنڈا چومنے پر مجبور کیا گیا۔
دوسری طرف سویڈن سے تعلق رکھنے والی انسانی حقوق کے لیے سرگرم گریٹا تھنبرگ نے بطور ماحولیاتی کارکن دنیا میں نام پیدا کیا۔ حال ہی میں گریٹا تھنبرگ اس قافلے کی قیادت بھی کر رہیں تھی جو دنیا بھر سے غزہ امدادی سامنا لے جارہا تھا، بعدازاں ان کے قافلے پر اسرائیلی فورسز نے حملہ کرکے انہیں گرفتار کرلیا۔
اسرائیلی فورسز کی قید میں موجود گریٹا تھنبرگ اور ان کے ساتھیوں کو تشدد کا نشانہ بنایا گیا جبکہ انہیں اسرائیلی پرچم چومنے پر بھی مجبور کیا۔ یہی وجہ ہے کہ انہیں رواں سال نوبل امن انعام کے لیے مضبوط امیدوار تصور کیا جارہا ہے۔
发表于 2025-10-28 15:41:53
