دبئی کے مقامی برانڈ روسٹرز اسپیشیالٹی کافی ہاؤس نے سب سے مہنگی کافی کی پیالی پیش کر کے عالمی ریکارڈ قائم کیا ہے، جہاں ایک کپ کی قیمت 2500 درہم رکھی گئی۔
امریکی کرنسی میں اس کی قیمت تقریباً 680 ڈالر بنتی ہے، یہ صرف ایک کپ کافی نہیں بلکہ ایک مکمل لگژری ایکسپیرینس تھا، اس میں استعمال ہونے والے بیج دنیا کی نایاب اور اعلیٰ کوالٹی کی پانامیئن گیشا کافی سے تھے جو خصوصی طور پر اسمرالڈا فارم سے حاصل کیے گئے۔
بلیک کافی صرف کیفین نہیں، صحت کا خزانہ بھی
ماہرین کے مطابق روزانہ بلیک کافی پینے کے کئی حیرت انگیز فوائد ہیں۔
کافی کی تیاری بھی منفرد تھی، اسے ہاتھ سے تیار کیا گیا، درجہ حرارت پر قابو رکھنے والی جدید کیتلی، مخصوص ڈریپر اور تازہ پسے ہوئے بیج استعمال کیے گئے۔
پیش کرنے کا انداز بھی خاص تھا، کافی کو جاپان سے منگوائے گئے ڈیزائنر سروس ٹیبل پر رکھا گیا، جس نے اس تجربے کو مزید منفرد بنادیا۔
یہ صرف مہنگی قیمت کا ریکارڈ نہیں بلکہ اس بات کی علامت بھی ہے کہ آج کل لوگ محض کافی پینے کے بجائے اسے پینے کے تجربے پر سرمایہ خرچ کرنے کو بھی تیار ہیں۔
发表于 2025-10-28 15:42:28
