|
|
 فوٹو: گلف نیوز
ابوظبی کے سائنسدانوں نے راکٹ انجن کا کامیاب تجربہ کرلیا، ماہرین نے جدید مائع ایندھن والا راکٹ انجن تیار کیا۔
ابوظبی کے ایڈوانسڈ ٹیکنالوجی ریسرچ کونسل کے تحقیقی ادارے ٹیکنالوجی انوویشن انسٹیٹیوٹ （ٹی آئی آئی） نے اعلان کیا ہے کہ اس نے کامیابی کے ساتھ متحدہ عرب امارات کا پہلا مائع ایندھن سے چلنے والے راکٹ انجن کی تیاری کے بعد اس کا کامیاب تجربہ کرلیا ہے۔
اماراتی میڈیا کے مطابق متحدہ عرب امارات نے خلائی تحقیق کے میدان میں ایک اور سنگِ میل عبور کرلیا، مستقبل میں عرب دنیا کے مریخ اور چاند مشنز کی راہ بھی ہموار ہوگئی۔
مائع ایندھن والے راکٹ انجن جدید خلائی تحقیق کی بنیاد سمجھے جاتے ہیں اور دوبارہ استعمال کے قابل لانچ گاڑیوں کی تیاری کے لیے ناگزیر ہیں، جو خلا تک مستحکم اور پائیدار رسائی کو یقینی بناتی ہیں۔
اس ٹیکنالوجی میں مہارت حاصل کرکے، اب متحدہ عرب امارات مدار میں حرکت، سیٹلائٹ کی پوزیشننگ اور خلائی جہاز کے درست کنٹرول کے لیے درکار پروپلیشن سسٹم ڈیزائن کرنے کی صلاحیت حاصل کر چکا ہے جو مستقبل کے چاند اور مریخ مشنز کی راہ ہموار کرے گا۔ |
|
发表于 2025-10-28 15:44:50