|
|
— فائل فوٹو
گورنر خیبرپختونخوا فیصل کریم کنڈی کا کہنا ہے کہ مریم نواز کی صفائی مہم پر مطمئن ہوں۔
فیصل کریم کنڈی نے میڈیا سے گفتگو کرتے ہوئے کہا کہ میرا پانی میری مرضی اور ہم ریاست کو بجلی دے رہے ہیں جیسی باتیں صوبائیت کو ہوا دے رہی ہیں۔
اُنہوں نے کہا کہ مناسب فورم پر چاروں صوبوں کو بولنا چاہیے، بہت جلد بڑے بیٹھ جائیں گے، ایسا نہ ہو کہ پھر آنکھیں نہ ملا سکیں، ایمل ولی سے سیکیورٹی لے کر غلط کیا گیا، ایمل ولی سے سیکیورٹی واپس لینا ان کی چھوٹی ذہنیت کی عکاس ہے۔
گورنر خیبرپختونخوا نے کہا کہ کیا آپ انتہا پسندوں کو دعوت دے رہے ہیں، دونوں صوبوں سے درخواست کرتا ہوں کہ سیکیورٹی واپس دی جائے۔
اُنہوں نے کہا کہ وزیراعلیٰ خیبرپختونخوا قابل ترس ہیں، وہ کہتے ہیں سیکیورٹی واپس نہیں لی، آپریشن کا کہتے ہیں مجھے نہیں پتا، وہ اپنی پالیسی بتا دیں کہ وہ کس کے ساتھ ہیں، سافٹ ویئر اپڈیٹ ہو تو کہتے ہیں کہ ریاست کے ساتھ ہوں نہ ہو تو دہشتگردوں کے ساتھ ہوتے ہیں۔
فیصل کریم کنڈی نے کہا کہ جو اپنے بھائی کی وزارت نہ بچا سکا تو عدم اعتماد کی تحریک کیسے لائیں گے، وزیراعلیٰ کے خلاف پی ٹی آئی والے ایف آئی آر کاٹیں کہ خاتون یہاں سے کیسے اٹھا لی۔
اُنہوں نے کہا کہ خیبرپختونخوا میں اگر وزیراعلیٰ کو کچھ نہیں پتا تو حکومت کون چلا رہا ہے۔ |
|
发表于 2025-10-28 15:46:12