|
|
فوٹو بشکریہ بین الاقوامی میڈیا
فلپائن میں آج صبح زلزلے کے شدید جھٹکے محسوس کیے گئے جس کے بعد سونامی کی وارننگ جاری کر دی گئی۔
خبر ایجنسی کے مطابق جنوبی فلپائن کے جزیرے مِنڈاناؤ کے مشرقی ساحل پر 7.4 شدت کے زلزلے نے پورے علاقے کو ہلا کر رکھ دیا۔
امریکی جیولوجیکل سروے （USGS） کے مطابق زلزلہ مقامی وقت کے مطابق صبح 9 بج کر 43 منٹ پر آیا اور اس کا مرکز ڈواؤ اوریئنٹل صوبے کے سینٹیاگو شہر سے تقریباً 20 کلو میٹر مشرق میں واقع تھا۔
فلپائن کے زلزلہ پیما ادارے کے مطابق اگلے دو گھنٹوں میں بحرالکاہل کے ساحلی علاقوں میں ایک میٹر اونچی لہروں کی پیش گوئی کی گئی ہے۔
خبر ایجنسی کے مطابق زلزلہ جنوبی علاقے مانائے کے قریب سمندر میں آیا جس کی گہرائی 10 کلو میٹر ریکارڈ کی گئی، تاحال کسی قسم کی جانی ومالی نقصان کی تصدیق نہیں ہوئی ہے۔
فلپائن میں ساحلی علاقے میں رہنے والوں کو محفوظ مقام پر منتقل ہونے کی ہدایات جاری کی گئی ہیں۔
دوسری جانب فلپنس انسٹیٹیوٹ آف وولکینولوجی اینڈ سیسمولوجی （PHIVOLCS） نے سونامی کی وارننگ جاری کر دی ہے۔ |
|
发表于 2025-10-28 15:48:26