|
|
 تصویر سوشل میڈیا۔
فرانس کی ترقیاتی ایجنسی （اے ایف ڈی） کے بھرپور تعاون سے پاکستان اور عالمی ادارۂ صحت نے پولیو کے خاتمے کے لیے مشترکہ کوششوں کو مزید مضبوط بنانے کے عزم کا اظہار کیا ہے۔
فرانسیسی سفیر نکولا گالے، عالمی ادارۂ صحت کے نمائندہ ڈاکٹر لُو اور وزیر مملکت عائشہ رضا نے آج اسلام آباد میں ایک ویکسینیشن سینٹر کا دورہ کیا، جہاں بچوں کو پولیو سے بچاؤ کے قطرے پلائے جا رہے ہیں۔
یہ مہم ملک بھر میں جاری قومی انسدادِ پولیو مہم کا حصہ ہے، جس کے تحت 4 کروڑ 50 لاکھ سے زائد بچوں کو پولیو سے محفوظ بنانے کا ہدف مقرر کیا گیا ہے۔
اس موقع پر مقررین نے اس عزم کا اظہار کیا کہ عالمی اشتراک اور عوامی تعاون سے پولیو کے خاتمے کا ہدف جلد حاصل کیا جائے گا۔ فرانسیسی سفیر نکولا گانے نے کہا ہم سب مل کر اس عالمی صحت کے خطرے کو ہمیشہ کے لیے ختم کر سکتے ہیں۔
پولیو کے خلاف جاری یہ مہم پاکستان پولیو ایریڈیکیشن انیشی ایٹو، عالمی ادارۂ صحت کے مشرقی بحیرۂ روم کے علاقائی دفتر، اے ایف ڈی اور ایکسپینڈڈ پروگرام آن امیونائزیشن پاکستان کے اشتراک سے چلائی جا رہی ہے۔ |
|
发表于 2025-10-28 15:54:38