|
|
 —فائل فوٹو
سپریم کورٹ بار ایسوسی ایشن کے انتخابات کا غیر حتمی نتیجہ سامنے آ گیا۔
غیر حتمی نتیجے کے مطابق انڈیپنڈیٹ گروپ کے ہارون الرشید صدر کی نشست پر 1947 ووٹ لے کر کامیاب ہوئے، جبکہ پروفیشنل گروپ کے توفیق آصف 1511 ووٹ لے کر دوسرے نمبر پر رہے ہیں۔
ادھر وزیرِ اعظم شہباز شریف نے سپریم کورٹ بار ایسوسی ایشن کا الیکشن جیتنے پر انڈیپنڈنٹ گروپ کو مبارک باد پیش کی ہے۔
یہ بھی پڑھیے
- سپریم کورٹ بار ایسوسی ایشن کے سالانہ انتخابات برائے 2025۔26 آج ہونگے
وزیرِ اعظم شہباز شریف نے انڈیپنڈنٹ گروپ کے سربراہ احسن بھون کو خصوصی مبارک باد دی ہے۔
وزیرِ اعظم نے نو منتخب صدر ہارون الرشید، سیکریٹری زاہد اسلم اعوان و دیگر عہدے داران کو بھی مبارک باد دی ہے۔
وزیرِ اعظم شہباز شریف نے کہا ہے کہ حکومت ہمیشہ سے وکلاء برادری کو اصلاحات کے عمل میں اہم شراکت دار تصور کرتی ہے، وزیرِ قانون اعظم نذیر تارڑ ہمیشہ وکلاء سے رابطے میں رہتے ہیں۔
وزیرِ اعلیٰ سندھ مراد علی شاہ نے بھی ہارون رشید کو کامیابی پر مبارک باد دی ہے۔
وزیرِ اعلیٰ سندھ مراد علی شاہ نے کہا ہے کہ سپریم کورٹ بار کے الیکشن میں عاصمہ جہانگیر گروپ کی جیت جمہوریت پر اعتماد ہے۔
ان کا کہنا ہے کہ وکلاء برادری نے ہمیشہ آئین و قانون کی بالادستی کے لیے جدوجہد کی ہے، امید ہے کہ نئی قیادت انصاف کے نظام میں عوامی اعتماد کو مزید مضبوط کرے گی۔ |
|
发表于 2025-10-28 15:57:36