امریکی سینٹرل کمانڈ （سینٹ کام） کی جانب سے سعودی قیادت میں قائم کمبائنڈ ٹاسک فورس 150 اور پاک بحریہ کو بحیرہ عرب میں منشیات کی بڑی کارروائی پر مبارکباد دی گئی ہے۔
پاک بحریہ کے جہاز پی این ایس یرموک نے 48 گھنٹوں میں بڑی کارروائی کے دوران 972 ملین ڈالر سے زائد مالیت کی منشیات ضبط کر لیں۔
پی این ایس یرموک نے سعودی قیادت میں کمبائنڈ ٹاسک فورس 150 کی معاونت سے بحیرہ عرب میں دو کشتیوں پر کارروائی کی جن سے 972 ملین ڈالر سے زائد مالیت کی منشیات برآمد ہوئیں۔
پاک بحریہ نے بحیرہ عرب میں اربوں روپے مالیت کی منشیات پکڑ لیں
امریکی سینٹرل کمانڈ نے کامیاب آپریشن پر پاک بحریہ کو خراج تحسین پیش کیا ہے۔
دوسری جانب سعودی رائل نیوی کے کمانڈر فہد الجوید نے اس کامیاب کارروائی کو عالمی تعاون کی بہترین مثال قرار دیا۔
کمبائنڈ ٹاسک فورس （CTF-150） کا مقصد ہتھیاروں، منشیات اور غیر قانونی سامان کی سمندری اسمگلنگ کو روکنا ہے۔
发表于 2025-10-28 16:04:30
