|
|
 —فائل فوٹو
پاکستان سپر لیگ （پی ایس ایل） کی فرنچائز ملتان سلطانز کو نوٹس جاری کرنے کی تفصیلات سامنے آ گئیں۔
ذرائع کے مطابق فرنچائز ملتان سلطانز کو 10 سالہ معاہدے کی شقوں کی خلاف ورزی پر نوٹس جاری کیا گیا ہے۔ فرنچائز نے نوٹسز کا تسلی بخش جواب نہ دیا تو اسے معاہدے کی منسوخی کا سامنا کرنا پڑے گا، فرنچائز مالکان کو بلیک لسٹ ہونے کا بھی سامنا کرنا پڑے گا۔
فرنچائز نے پی ایس ایل 10 سے قبل ہی مہم چلانا شروع کر دی تھی، فرنچائز مالک نے سوشل میڈیا انٹرویوز اور پوڈکاسٹس میں لیگ کی شہرت کو نقصان پہنچانے کی مہم چلائی تھی، یہ مہم چلانے کا مقصد لیگ کو ویلو ایشن سے قبل ڈی ویلیو کرنا تھا۔
ذرائع کا کہنا ہے کہ ڈی ویلیو کرنے کا مقصد اگلے 10 برس کے لیے ویلیو ایشن کو کم کرنا تھا، پی ایس ایل پاکستان کا ایک بڑا برانڈ ہے، کون اپنے برانڈ کو خود نقصان پہنچا سکتا ہے؟
فرنچائز نے پبلک میں تنقید کی لیکن کبھی تحریری طور پر پی سی بی کو تجاویز نہیں دیں، فرنچائز نے معاہدے کی 2 سب سے بڑی خلاف ورزیاں کیں، تمام فرنچائزز نے معاہدے پر دستخط کیے ہیں کہ ایسی تنقید نہیں کی جائے گی جس کا لیگ پر منفی اثر پڑے۔
فرنچائز نے لیگ کی شہرت کو نقصان نہ پہنچانے کے معاہدے کی خلاف ورزی کی، فرنچائز مالک نے اپنے کھلاڑیوں کو مخالف کھلاڑیوں کے ہیلمٹ پر بال مارنے کی ترغیب دی، ترغیب دینے کی ویڈیو سوشل میڈیا پر لگائی گئی جس میں 1 ہزار ڈالرز انعام دینے کا کہا گیا۔
ذرائع کے مطابق ویلیو ایشن جب مکمل ہونے کے قریب ہے تو ایسا رویہ فرنچائز کی جانب سے ناقابلِ برداشت ہے، فرنچائز نے تاخیری حربے کے طور پر ویلیو ایشن کمپنی سے تعاون بھی نہ کیا، پی سی بی کی جانب سے نوٹس میں فرنچائز کو ان تمام شقوں کی خلاف ورزی کا بتایا گیا ہے، پی ایس ایل ویلیو ایشن اگلے چند روز میں مکمل کر لی جائے گی۔ |
|
发表于 2025-10-28 16:06:25