|
|
 امریکی صدر ڈونلڈ ٹرمپ—فائل فوٹو
امریکی صدر ڈونلڈ ٹرمپ کا کہنا ہے کہ مقبوضہ مغربی کنارہ اسرائیل میں ضم ہو ایسا نہیں ہو گا، اگر ایسا ہوا تو اسرائیل امریکا سے اپنی حمایت کھو دے گا۔
امریکی صدر ڈونلڈ ٹرمپ نے امریکی جریدے کو انٹرویو میں کہا ہے کہ مقبوضہ مغربی کنارہ اسرائیل میں ضم ہو ایسا نہیں ہو گا، عرب ممالک سے وعدہ کیا تھا، اب ایسا نہیں کر سکتے۔
انہوں نے کہا ہے کہ ہمیں عربوں کی زبردست حمایت حاصل ہے، اگر ایسا ہوا تو اسرائیل امریکا سے اپنی حمایت کھو دے گا۔
یہ بھی پڑھیے
- مغربی کنارے کے انضمام کی قرارداد، امن معاہدے کےلیے خطرہ ہے: روبیو
- کینسیٹ میں مغربی کنارے کو اسرائیل میں ضم کرنے کا غیرقانونی بل ابتدائی مرحلے میں منظوری
واشنگٹن سے عرب میڈیا کے مطابق امریکی صدر ڈونلڈ ٹرمپ نے ایک بیان میں کہا ہے کہ غزہ کی پٹی میں جنگ رک چکی ہے، نیتن یاہو معاہدے کو قبول کریں۔
ان کا کہنا ہے کہ حماس نے جنگ بندی معاہدے کی خلاف ورزی کی تو تباہ کن نتائج ہوں گے، حماس غیر مسلح ہونے کا وعدہ پورا کرے ورنہ امریکی مداخلت ناگزیر ہو گی۔
امریکی صدر ڈونلڈ ٹرمپ کا یہ بھی کہنا ہے کہ فی الحال حماس نے غیر مسلح ہونے پر رضامندی ظاہر کی ہے۔
واضح رہے کہ گزشتہ روز اسرائیلی پارلیمنٹ نے مقبوضہ مغربی کنارے پر قبضے کا بل منظور کیا تھا۔ |
|
发表于 2025-10-28 16:06:37