امریکی ریاست نیواڈا میں منعقد ہوئے مس امریکا کے مقابلے کا تاج ریاست نبراسکا کی آڈی ایکرٹ کے سر سجا دیا گیا۔
غیرملکی میڈیا کے مطابق مس امریکا کے 74 ویں ایڈیشن کے لیے 50 حسیناؤں کے درمیان ہونے والے مقابلے میں 22 سالہ آڈی ایکرٹ کامیاب ہوگئیں۔
آڈی ایکرٹ پیشے کے اعتبار سے ایک مقامی کمپنی میں سوشل میڈیا اور مارکیٹنگ کوآرڈینیٹر ہیں۔
مس امریکا کا ٹائٹل جیتنے والی ماڈل کے میک اپ کا مذاق بن گیا
کیسی ڈونیگن نے 7 ستمبر کو فلوریڈا کے شہر اورلینڈ میں ہونے والے مس امریکا کے مقابلے میں مس امریکا 2025 کا تاج اپنے سر پر سجایا، مگر ان کی جیت کے فوراً بعد سوشل میڈیا پر ان کے میک اپ کو لے کر تنقید شروع ہوگئی۔
آڈی ایکرٹ کا بطور مِس امریکا انتخاب مِس یو ایس اے کے انتظامی امور میں تبدیلیوں کے بعد ایک نیا آغاز سمجھا جارہا ہے، اس سے قبل مِس امریکا کا ٹائٹل کئی بار تنازعات کا شکار ہوچکا ہے مثال کے طور پر 2023ء میں ریاست یوٹاہ سے منتخب ہونے والی نویئلا فوگٹ نے بطور مِس امریکا استعفیٰ دے دیا تھا۔
موجودہ مِس امریکا آڈی ایکرٹ کو ایک جانے پہچانے چہرے کے طور پر دیکھا جارہا ہے، وہ ہسکر چیر لیڈ اسکواڈ کا بھی حصہ رہی ہیں اور ان کا شمار ڈیجیٹل سیفٹی کے حق میں آواز اٹھانے والوں میں ہوتا ہے۔
آڈی ایکرٹ اگلے ماہ 21 نومبر کو تھائی لینڈ میں ہونے والے مِس یونیورس کے مقابلے میں امریکا کی نمائندگی کریں گی۔
发表于 2025-11-3 19:55:46
