رواں ماہ مصر میں ہونے والے غزہ امن معاہدے پر دستخط کے باوجود اسرائیل جنگ بندی کی متعدد بار خلاف ورزی کر چکا ہے۔
اسرائیل کی جانب سے گزشتہ رات سے جاری فضائی حملوں میں 24 بچوں سمیت 104 فلسطینیی شہید ہو چکے ہیں۔
امریکی صدر ڈونلڈ ٹرمپ کا کہنا ہے کہ اسرئیلی فوجی ہلاکت پر اسرائیل نے جوابی کارروائی کی تاہم جنگ بندی خطرے میں نہیں ہے، اگر حماس نے درست رویہ اختیار نہ کیا تو ہم اسے ختم کر دیں گے۔
دوسری جانب حماس نے رفح میں اسرائیلی فوج پر حملے کا الزام مسترد کرتے ہوئے خبر دار کیا ہے کہ اسرائیلی یرغمالی کی لاش کی حوالگی مؤخر کر دیں گے۔
نیتن یاہو کے حکم کے بعد اسرائیلی طیاروں نے غزہ پر دوبارہ حملے شروع کر دیے
اسرائیلی وزیرِ اعظم بنیامین نیتن یاہو نے ایک بار پھر جنگ بندی کی خلاف ورزی کرتے ہوئے اسرائیلی فوج کو غزہ میں فوری حملے کرنے کا حکم دیا ہے۔
حماس کے عسکری ونگ القسام بریگیڈز کی جانب سے جاری کیے گئے بیان میں کہا گیا ہے کہ اگر اسرائیلی جارحیت میں اضافہ ہوا تو اس سے لاشوں کی تلاش، کھدائی اور بازیابی کے کاموں میں رکاوٹ پیدا ہوگی جس کے نتیجے میں غزہ میں موجود باقی 13 یرغمالیوں کی لاشوں کی بازیابی میں تاخیر ہو سکتی ہے۔
واضح رہے کہ اسرائیلی وزیرِ اعظم نیتن یاہو نے جنوبی رفح میں فائرنگ کے تبادلے کے بعد فوج کو طاقتور جوابی حملوں کا حکم دیا تھا۔
发表于 2025-11-3 19:59:57
فوٹو بشکریہ بین الاقوامی میڈیا 
