|
|
---فائل فوٹو
وفاقی ادارۂ شماریات کی جانب سے مہنگائی سے متعلق ہفتہ وار رپورٹ جاری کردی گئی۔
ہفتہ وار بنیادوں پر مہنگائی کی شرح میں 0.56 فیصد اضافہ ریکارڈ کیا گیا جس کے بعد ملک میں مہنگائی کی مجموعی سالانہ شرح 4.07 فیصد ہوگئی۔
ادارہ شماریات کی رپورٹ کے مطابق ایک ہفتے میں 19 اشیاء مہنگی اور 12 کی قیمتوں میں کمی ہوئی جبکہ 20 اشیائے ضروریہ کی قیمتیں مستحکم رہیں۔
ایک ہفتے میں ٹماٹر 46.44 فیصد، لہسن 1.41 فیصد، پیاز 1.22 فیصد جبکہ پیٹرول 1.72 اور ہائی اسپیڈ ڈیزل 1.45 فیصد مہنگا ہوا۔
رپورٹ کے مطابق گھی، بیف، مٹن، دہی اور سیگریٹس سمیت دیگر اشیاء بھی مہنگی ہوئیں۔
ایک ہفتے میں چکن 7.96 اور کیلے 0.78 فیصد سستے ہوئے۔
اسی طرح دالیں، آلو، کوکنگ آئل اور ایل پی جی سمیت دیگر اشیاء کی قیمتیں کم ہوئیں۔ |
|
发表于 2025-10-28 15:38:57