|
|
فائل فوٹو
بھارتی ریاست مدھیہ پردیش کے ضلع سِدھی کے ایک سرکاری اسپتال کی ابتر حالت نے سب کو حیران کردیا۔
سوشل میڈیا پر وائرل ہونے والی ویڈیوز میں دیکھا جاسکتا ہے کہ رامپور نائیکن کمیونٹی ہیلتھ سینٹر کے اندر مویشی آزادی سے گھوم رہے ہیں، جبکہ ایک کتا مریضوں کے لیے مختص بیڈ پر آرام سے لیٹا ہوا ہے، جس سے حفظان صحت اور اسپتال کے انتظام کے بارے میں سنگین خدشات پیدا ہوگئے ہیں۔
ویڈیوز میں واضح طور پر اسپتال کا عملہ غائب نظر آتا ہے، نہ کوئی ڈاکٹر موجود تھا نہ نرس، نہ کمپاؤنڈر اور نہ ہی سیکیورٹی اسٹاف۔
اسپتال کی یہ حالت دیکھ کر شہریوں نے سخت برہمی کا اظہار کیا اور حکومتی دعوؤں پر سوال اٹھا دیے۔
مقامی افراد کا کہنا ہے کہ اگر اسپتالوں میں یہ حال رہا تو مریض کہاں جائیں گے اور علاج کیسے ممکن ہو سکے گا۔ |
|
发表于 2025-10-28 15:39:55