|
|
اسکرین گریب
پاکستانی اداکارہ ثنا جاوید اور کرکٹر شعیب ملک کی علیحدگی کی افواہیں یا مارکیٹنگ حکمتِ عملی؟ حقیقت کیا ہے؟ سوشل میڈیا پر چہ می گوئیاں ہونے لگیں۔
ثنا جاوید اور شعیب ملک نے جنوری 2024ء میں اپنی شادی کا اعلان کر کے شوبز اور اسپورٹس کی دنیا میں ایک تہلکہ مچا دیا تھا، یہ شادی کئی سوالات اور تنازعات کے ساتھ سامنے آئی کیونکہ اس سے قبل دونوں نے اپنے پچھلے رشتوں کے باضابطہ اختتام کا اعلان نہیں کیا تھا، بتایا جاتا ہے کہ دونوں کی قربت نجی ٹی وی کے گیم شو کے دوران بڑھی تھی۔
ابتدائی تنقید اور عوامی ردعمل کے باوجود دونوں نے شادی کے بعد ایک مضبوط جوڑی کے طور پر خود کو پیش کیا، تاہم حال ہی میں سوشل میڈیا پر وائرل ہونے والی ایک مختصر ویڈیو نے ایک بار پھر ان کے رشتے پر سوالات کھڑے کر دیے ہیں۔
اس ویڈیو میں ثنا جاوید اور شعیب ملک ایک ساتھ بیٹھے تو نظر آتے ہیں مگر ان کے درمیان فاصلہ اور عدم دلچسپی نمایاں ہے، ویڈیو نے سوشل میڈیا صارفین کو یہ قیاس آرائی کرنے پر مجبور کر دیا کہ شاید دونوں کے تعلقات میں دراڑ آ گئی ہے یا علیحدگی کی راہیں تلاش کی جا رہی ہیں۔
کچھ حلقے اس ویڈیو کو حقیقی کشیدگی کا عکس قرار دے رہے ہیں، جبکہ دیگر کا ماننا ہے کہ یہ محض ایک وقتی لمحہ ہے جو غلط تاثر پیدا کر رہا ہے، کچھ صارفین نے اسے ممکنہ مارکیٹنگ حکمتِ عملی بھی قرار دیا ہے، تاکہ جوڑی دوبارہ خبروں اور سوشل میڈیا پر توجہ حاصل کر سکے۔
سوشل میڈیا پر تبصروں میں ایک طرف تو شعیب ملک اور ثنا جاوید کی ممکنہ علیحدگی کی پیش گوئیاں کی جا رہی ہیں، دوسری طرف بعض افراد اداکارہ پر کڑی تنقید کر رہے ہیں اور ان کی سابقہ شادی کا حوالہ دے کر اسے “کرما“ سے جوڑ رہے ہیں، اس کے برعکس کچھ لوگ ان افواہوں کو محض گپ شپ اور سستی شہرت کا کھیل قرار دے رہے ہیں۔
فی الحال دونوں کی جانب سے کسی بھی قسم کی وضاحت یا ردعمل سامنے نہیں آیا۔ |
|
发表于 2025-10-28 15:40:31