|
|
 تصویر سوشل میڈیا۔
چین میں ٹریفک حادثے کی خبر اس وقت وائرل ہوگئی جب حادثے کے بعد موٹر سائیکل سوار کا سر ایک گھنٹے تک ٹریفک سگنل میں پھنسا رہا۔
واقعہ اس وقت پیش آیا جب وہ اپنی الیکٹرک اسکوٹر پر سواری کے دوران اس ٹریفک لائٹ سے جا ٹکرایا اور اسکا سر اس میں پھنس گیا۔
اس سلسلے میں بتایا جاتا ہے کہ چین کے سوشل میڈیا پر ایک حیران کن اور عجیب و غریب ٹریفک حادثہ کافی توجہ کا مرکز بنا، جب چینگڈو شہر میں ایک نوجوان اپنی الیکٹرک اسکوٹر چلاتے ہوئے ایک عارضی ٹریفک سگنل سے جا ٹکرایا۔
تصادم کے باعث اس کا سر ٹریفک لائٹ کے اندر پھنس گیا اور اسے نکالنے کے لیے فائر فائٹرز کو طلب کرنا پڑا۔ یہ کہنا تو آسان تھا، لیکن حقیقت میں ایسا کرنا بہت مشکل ثابت ہوا، کیونکہ ابتدائی امدادی کارکنوں کو بھی اس شخص کا سر محفوظ طریقے سے نکالنے کے لیے تقریباً 40 منٹ تک دھات کے خول کو کاٹنا پڑا۔
بعدازاں اس شخص کو ایک مقامی اسپتال لے جایا گیا اور وہ مکمل طور پر صحتیاب ہو گیا، لیکن انٹرنیٹ پر اس واقعے پر بننے والے مزاحیہ لطیفوں سے سنبھلنا اُس کے لیے بہت زیادہ مشکل ہوگا۔ |
|
发表于 2025-10-28 15:41:08