|
|
 — تصاویر بشکریہ سوشل میڈیا
عالمی سطح پر شہرت یافتہ پاکستانی معروف اداکارہ ماہرہ خان نے شہر کراچی کو اپنی نظر سے پیش کرتے ہوئے اس سے محبت اور اس کی حالت زار پر مایوسی کا اظہار کیا ہے۔
انہوں نے فوٹوز اینڈ ویڈیوز شیئرنگ پلیٹ فارم انسٹاگرام پر کراچی کے علاقے برنس روڈ سمیت مختلف علاقوں میں کھینچی گئی تصاویر شیئر کی، جن میں چھوٹی گلی محلوں میں رنگ عیاں ہیں۔
اس کے ساتھ ہی اداکارہ نے کراچی کے حوالے سے ایک خوبصورت پیغام بھی شیئر کیا اور لکھا کہ کبھی کبھی میں اپنے شہر کراچی کو دیکھ کر حیران رہ جاتی ہوں۔
ماہرہ خان لکھتی ہیں کہ میں خود کو خوش قسمت سمجھتی ہوں کہ میں اپنے کام کی وجہ سے ان جگہوں پر بھی جاتی ہوں جہاں اس سے قبل کبھی جانے کا موقع نہیں ملا، وہ سڑکیں اور بستیاں بھی دیکھیں جو پہلے کبھی نہیں دیکھی ہوں گی، ہم بلبلے میں رہتے ہیں۔ پریشانیاں، ہم سب کو ہیں لیکن میں نے ایسے لوگوں کو بھی دیکھا ہے جو ہمیشہ سے تکلیف میں رہے ہیں، جن گھروں میں گھنٹوں بجلی نہیں ہوتی، روزانہ کی بنیاد پر کھانے کے لیے بمشکل کچھ ہوتا ہے۔ گند جو ہفتوں جمع رہتی ہے، اس شہر میں امیر اور غریب کا فرق بہت زیادہ ہے۔
انہوں نے لکھا کہ میں نے یہ سب دیکھا ہے لیکن میں نے بچوں کو ہنستے، کھیلتے بھی دیکھا ہے۔ اسکول سے واپس آتے بچوں کو اور ایک ماں کو تازہ پراٹھے بناتے دیکھا ہے جس کا بیٹا روزی کمانے کے لیے نکل رہا تھا، میں نے ایک گلی بھی دیکھی جہاں ایک مندر، چرچ اور ایک مسجد نے دیوار شیئر کی تھی۔ میں نے مسکراہٹیں دیکھی جن میں اداسی تھی پھر بھی ایک امید تھی، جدوجہد سے بھری زندگی۔
آخر میں ان کا کہنا تھا کہ کراچی، میں تم سے پیار کرتی ہوں، مجھے افسوس ہے کہ ہم اس کی دیکھ بھال اس طرح نہیں کر سکے، جس طرح ہمیں کرنی چاہیے تھی۔ |
|
发表于 2025-10-28 15:41:58