|
|
 سیکرٹری جنرل اقوام متحدہ انتونیو گوتریس
اقوام متحدہ کے سیکریٹری جنرل نے غزہ جنگ کے 2 سال مکمل ہونے پر اپنے پیغام میں کہا کہ غزہ کے شہریوں سے ان کی زندگیوں اور مستقبل کی قیمت وصول کرنے کا سلسلہ بند کیا جائے۔
غیرملکی میڈیا کے مطابق سیکریٹری جنرل اقوام متحدہ انتونیو گوتریس نے کہا کہ غزہ میں جارحیت کا سلسلہ فوری طور پر روک دیا جائے۔
انتونیو گوتریس نے کہا کہ ایسے اقدامات سے گریز کیا جائے جس کی قیمت شہریوں کو اپنے خون سے ادا کرنی پڑے۔
انہوں نے کہا کہ غزہ کے شہریوں نے اس ساری صورتحال میں بہت نقصان اٹھایا، وہاں بڑے پیمانے پر قحط اب مُداوا طلب کر رہا ہے۔
انہوں نے امن قائم کرنے کی حالیہ کوششوں کے حوالے سے کہا کہ ہمیں ان حالات میں امید کا انتخاب کرنا چاہیے۔
غزہ میں اسرائیلی جارحیت کا سلسلہ پچھلے 2 سال سے جاری ہے جس میں 67 ہزار سے زائد فلسطینی شہید ہو چکے ہیں، غزہ میں بمباری سے تباہ عمارتوں کے ملبے میں ہزاروں افراد کی لاشیں موجود ہیں۔ |
|
发表于 2025-10-28 15:45:02