ناپید ہو چکے پرندے ہوئیا （Huia） کا ایک نایاب اور مہنگا ترین پر—تصویر بشکریہ غیر ملکی میڈیا
ناپید ہو چکے پرندے ہوئیا （Huia） کا ایک نایاب اور انتہائی اچھی طرح سے محفوظ کیا گیا ’پر‘ 46 ہزار نیوزی لینڈ ڈالرز یعنی 28 ہزار 365 امریکی ڈالرز میں نیلام ہوا ہے اور یوں یہ باضابطہ طور پر دنیا کا سب سے مہنگا ’پر‘ بن گیا۔
غیر ملکی میڈیا کے مطابق نیوزی لینڈ سے تعلق رکھنے والا ہوئیا پرندہ 20ویں صدی کے اوائل سے ناپید ہو چکا ہے، جب یورپی لوگ جزیرے پر پہنچے تو یہ پرندہ پہلے ہی نایاب تھا، لیکن اس کے پر کلکٹرز اور فیشن کے تاجروں کا نشانہ بن گئے، جس کی وجہ سے بالآخر یہ پرندہ مکمل طور پر ناپید ہو گیا۔
کلکٹرز کے درمیان اس پرندے کے پر اب بھی بہت قیمتی سمجھے جاتے ہیں، اس لیے یہ حیرت کی بات نہیں کہ دنیا کا سب سے مہنگا پر ایک ہوئیا پرندے کا ہے۔
دنیا کا مہنگا ترین برگر، قیمت ہزاروں ڈالر، پھر بھی دعوت نامہ ہونا ضروری
اس مہنگے ترین برگر کو کھانے کے لیے آپکے پاس دعوت نامہ بھی ہونا ضروری ہے۔
اس بے داغ ہوئیا پرندے کے پر کی نیلامی میں 3 ہزار امریکی ڈالرز تک میں فروخت ہونے کی توقع تھی، لیکن اس پر نے 28 ہزار 365 امریکی ڈالرز کی حیران کن قیمت پر فروخت ہو کر دنیا کے سب سے مہنگے پر کا نیا ریکارڈ قائم کر لیا۔
ویبز آکشن ہاؤس کی آرائشی فنون کی سربراہ لیہ مورس کا کہنا ہے کہ ہوئیا ایک مشہور پرندہ ہے اور بہت سے لوگ کسی نہ کسی طرح اس پرندے سے جڑے ہوئے ہیں، اس کے پر زیادہ گچھے دار نہیں ہوتے، اس نیلام ہونے والے پر نے اپنے بہت سے رنگ برقرار رکھے ہیں، اس کا بھرپور بھورا اور چمکدار رنگ ہے اور اس پر کیڑوں سے نقصان پہنچنے کا کوئی نشان بھی نہیں ہے۔
ہوئیا پرندے کے پروں کی اتنی زیادہ قیمت ہونے کی ایک وجہ نیوزی لینڈ کے ماؤری قبیلے کے لوگوں کے لیے ان کی ثقافتی اور روحانی اہمیت ہے، ان کے پروں کو اکثر سرداروں کی طرف سے سر پر بطور زیور پہنا جاتا تھا۔
دلچسپ بات یہ ہے کہ دنیا کے اس سب سے مہنگے پر کا وزن صرف 9 گرام ہے، جس کا مطلب ہے کہ یہ سونے کے مقابلے میں کئی گنا زیادہ قیمتی ہے۔
发表于 2025-10-28 15:50:24
ناپید ہو چکے پرندے ہوئیا （Huia） کا ایک نایاب اور مہنگا ترین پر—تصویر بشکریہ غیر ملکی میڈیا 
